Posts Tagged ‘உயிர்ம எரிபொருட்கள்’

global warming-ஐ சமாளிக்க புது வரியா..?

புவி வெப்பமயமாதல் (global warming) பற்றிய விழிப்புணர்வே பலருக்கு இல்லாத நிலையில், ஒரு புது வரியின் மூலம் நிதி திரட்டி global warming-ஐ சமாளிக்கலாம் என்ற யோசனை G20 மாநாட்டில் முன்வைக்கப்படப் போகிறது. இது  அமாவாசைக்கும் அப்துல் காதருக்கும் முடிச்சு போடுவது போல உள்ளது.

புவி வெப்பமடைவதைத் தடுக்க மாற்று எரிபொருட்களான காட்டாமணக்கு, புங்கை (உயிர்ம எரிபொருட்கள்) முதலியவற்றை இந்தியாவில் இருக்கும் பல லட்சம் சதுர கிலோமீட்டர் தரிசு நிலங்களில் பயிரிடலாம்.   நீர்ப்பாசியானது காட்டாமணக்குவைக் காட்டிலும் மிகுந்த திறன் வாய்ந்தது. ஆனால் சுற்றுச் சூழல் ஆர்வலர்கள்தான் அதுபற்றி சொல்ல வேண்டும். அதே சமயம் அத்தியாவசிய உணவு தானிய விளை நிலங்களை அழித்து அதில் உயிர்ம எரிபொருட்கள் பயிரிடப்படும் ஆபத்து நேராதிருக்க வேண்டும்.  அதற்கான முன்முயற்சிகளில் இந்திய அரசாங்கம் ஈடுபட்டால் இந்தியாவின் பொருளாதாரமும் உயரும். எரிபொருளுக்காக அரேபிய நாடுகளை ஒரேயடியாக சார்ந்திருக்க வேண்டிய சிக்கலும் குறையும். புவி வெப்பமடைதலும் தவிர்க்கப்படும். இமயமலையும் காப்பாற்றப்படும். இதெல்லாம் இந்த அரசாங்கம் செய்யுமா? மக்களுக்கு விழிப்புணர்வு வருமா? அதை விடுத்து கிஸ்தி, திரை, வரி, வட்டி என்றால்.. இன்னொரு கட்டபொம்மன் தோன்றுவான். எச்சரிக்கை.

Advertisements